سورگونلوک

هادی قارا چای

 

 

آرتیق اون یئددی ایل کئچدی

عرب چؤللرینین سورگونوندن

                          دؤنمه دی

                                       یازیق بولودلار.

رضا احسانی

بولاندیریق...

 

بولاندیریق اولسام دا  بئله

                              هئچ یئره زینه وئرمه میشم

•   

ایندی سولار

                   باش یولاری آخیر.

کئچینین قوتورو دا ائله اوْز کوزمدن سو ایچیر.

حیا یئییب

         اوستوندن بیر بارداق سو ایچن کیمی.

کی آلین یازیمِِ

باش یوخاری توپورمه یه بنزه ییر...

کیان خیاو دان بیر شئعر

« ماهنی‌سیز و تابلوسوز »           

 

سنی بیر ماهنیدا گؤردوم، یانیلماسام         

سنی بیر رسیم تابلوسوندا ائشیتدیم.        

بیر فرمان کیمی دئشیردین قولاغیمی         

گؤزومده قاتیللر کیمی یورویرکن.     

اؤلومدن باشقا بیر شئیین یوخ‌ایدی        

«تاپا تاپا گلمه میش لر»

 

«تاپا تاپا گلمه میش لر»

و دوغوردان دا بیز «تاپا تاپا گلمه» ین لریک . ایلین ایک آغریلی آجیلی گونلری لاپ گیریش گونونده بیزی یاخالادی . استاد صمد سرداری نیا کوچدو آرامیزدان . کاش کی اولوردو عموروموزدن باشقاسینا بیر آز پای وئریردیک او زامان ایندی چوخلاری او جومله دن استاد سرداری نیا آرتیق آرامیزدا ایدی . او زامان آذربایجان ایللرجه باسقیلارا معروض قالان بالاسیندان شرمنده اولمازی. او زامان اینید داها آللاه رحمت ائله سین دئمزدیک . آللاه رحمت ائله سین .

حمید آصفی

وطن...

 

من آلچاق دئییلم کی

                       دالیندا گیزله نیب

                                        باغیراجاق قدر شوعار وئریم

وطن قورخاق لارین گیزلی سنگری .

بو يازي‌نين باشليغی نه‌دير؟

ايش بئله باشلايير كي، هر بير اثري جيددي و طرفداشليقدان اوزاق شکیلده گؤتورـ قوي ائله‌مك بيزه ايندي سودان هاوادان داها واجيب بير ايش‌دير. بو باخيمدان هادي ‌بي قاراچايين يازديغي «شعر وارليغين ائوي ايميش» باشليغلي تنقيدسل يازيني ديرلي بير ايش حئسابا گتيرمك اولار. آرتيق ادبياتيميزدا يوخ سوييه‌سينه چاتميش بئله بير يازي دارتيشماسينا من بوتون بيلگين‌لريميزين قاتيلماسيني ايسترديم. بوندان ساوايي هادي بي قاراچايين يازيسیندا ايرلي سورولموش بير نئچه موضونو باشقا بوجاقدان گؤرمه‌يه چاليشاجاغام.

بيرينجي سي:  موباريز شاعيريميز اوختايين باره‌سينده واختيلا ناصر مرقاتي جناب‌لاري، هادي بيين بير داها ايرلي سوردويو ايدعالاري دوشرگه ده، اؤنجه آشلاميشدي. بو صوحبت ارسطو مجردي طرفيندن يازيلان اوچ يازيلا منجه بيتميش اولمالييدي. آنجاق هادي بي يين بو باره‌ده بير داها باشقا فورمادا چيخيش ائتمه‌سي بير آز منده تععجوب دوغوردو. بو دانيلماز فاكت‌دير كي، اوختاي اؤز واختيندا قوللوق ائتدييي ايدئولوگييايا صاديق قالاراق جان باهاسينا يازيب ياراديب و بوگون تاريخي بير فاكت كيمي سايقييا لايق بير شخص‌دير.

دیل اژدها­سی (ایواز طاهانین «شعر وارلیغین ائوی¬دیر» کیتابی ایله تانیشلیق)

 

"شعر وارلیغین ائوی دیر" کیتابینا باشقا بیر باخیش

 

هاردا و هانسی ایلده آنادان اولماغینین فرقی یوخدور. هر حالدا ایندی بورالاردا یاشاییر و جدی اولاراق یارادیجیلیق­لا مشغول­دور. دوزو اونونلا، اونون باره­سینده یازماغا دانیشماق ایسته­سه­یدیم مطلق یوخ دئیه­جک­دی. آنجاق بونونلا بئله سؤزه باخماز دجل بیر اوشاق کیمی یئنه ایسته­دییمی ائده­جک­دیم. بونو دئدیم کی، دئییم او سؤزون اصیل معناسیندا تواضعکاردی. هر حالدا بیز اونو "یارپاق" قزئتیند­ن چوخ یاخشی تانییریق. سون واخت‌لار دیلیمیزده حادیثه سایلان بیر کیتابی­ باکیدا چاپ ائدیلدی «شعر وارلیغین ائوی‌دیر». تأسف­لر اولسون کی، گونی آذربایجان­دا بو کیتاب گئنیش صورت­ده یایلمادی. آنجاق هر حالدا چاپا بوراخیلمیش و بوراخیلمامیش!!! بیر نئچه کیتاب­لار سیراسیندا منجه ان اؤنملی­سی بو کیتاب اولا بیلر. کیتابین باره‌سینده دانیشمادان اؤنجه اونو اوخوماغی بوتون اوخوجولاریمیزا تؤوصییه ائدیره­م. نییه کی بو کیتاب دیلیمیز و بوتونلوک­له میللی شعوروموزون اینکیشاف یولوندا اولان بیر چوخ پروبلم­لری آچیغلاما قاتلاشمیشدیر.