ائو

حمید آصفی

 

 

آه! وطن هاردان باشلاییر؟

دوغولدوغوم تورپاق بللی دئییل

ایلک اؤنجه هاردان تاپدیغیم

                                  مملکت­ دئییلن ایتیک­ده اؤیله.

بئلیند‌ن دوغولدوغوم، تانری بللی.

آنلامازجاسینا بوینوما آلدیغیم یوک

و بیرده یول بویو پئشمان‌ليغيم، دوپ دورو!

 ....

یارپیز

 حمید آصفی

 

 

 

بیزیمکی دونیانین

کؤهنه رومان کیتابی دئیل کی

                   توز قوراماسیندا هئی­دن گئده.

بیزیمکی اللریمیزده

            قیپ قیرمیزی توفنگ

«گوزو آج» !

ایچی اؤلوم خوراسی!

بیزیمکی

داغ دؤشونده بورنو پؤهره­لی

                                    یارپیز.

 

•  

خاطیرلادیغین هر شئی

بویله قورخولو

 بویله مهریبان

آه! قوربانی اولدوغوم

گولـله  اسیر آرامیزدان

و داغ باشیندا تر یوخودان دوروب

                                یئر سیز اسنه­ییر یارپیز .