اؤلو

پرویز یوسیف

بير گون شهر كناريندا بير اؤلو تاپيلدي. علاقه دار ارگان لاردا ايش آچيلدي. كيمليييني آراشديرماق ايسته ديلر. دونيانين هر يئرينه سورغو گؤندريلدي. آنجاق نتيجه سيز قالدي. كيملييي بيلينمه دي. سحري گون همن اؤلونو شهرين تام باشقا يئرينده تاپديلار. بو دؤنه اؤلومونون سببي باشقا ايدي. و مئييد هله سويوماميشدي. بير گون كئچدي. همين اؤلو يئنه ده تام آيري يئرده؛ باشقا اؤلوم سببي ايله آشكار اولوندو. مئييد هله ده ايستي ايدي. اونون كيمليي باره ده جيددي آختاريش لار- سورغولار يئنه ده نتيجه سيز قالدي.

ايندي ده بئله دي: همين جسد هر سحر هاردان سا اوزه چيخير. سانكي بو مخلوق گوندوزلر ديريليب؛ ياشايير. گئجه لر ايسه اؤلدورولور.

اؤلوم و ياشام شعري

شعره عاييد هردن یوخ کی همیشه بیر چوخ شئی لر دوشونورم. هر دؤنه  سون دوشوندوكلريمي بوش بوش شئي لر حئسابا گتيريرم.

نه قدر بوش فيكيرله شير ميشم. بو يئني جه چاتديغيم سون قرار.

كيمه سه سئوگي مكتوبو كيمي بير جيزما قارا. كيميسينه ايسه گونده ليك حياتدان جان قورتاريجي عاميل. هله آرالاردا چؤرك بورجو وئرن ده  وار. توت قبير دن قبيره قونان چورك يولچولاريندان.