آتا

آتامين جاني ايت جاني دئييل دي.

آنامين پالتار يويان ماشينيندا قالدي.

اللري يوخ ايدي.

آياغي دا يوخ.

كيمسه اونو جنته گؤتوره بيلمه دي

                               سون گئجه ائوه چؤرك گؤتوره بيلمه ديیي كيمي.

كيمسه اونو جهمنه گؤتوره بيلمه دي

                                منه گؤزومون قاباغيندان جهنم اول دئديیي كيمي

آتامين هئچ ياني قالان دئييل دي.

زهر تولوغو ديليندن چؤکدو  تورپاغا.

                                 آغزيندان يئره توپوردويو  آن.

آتامين اليمده ياخاسي قالدي  يالنيز

 سونسوز ايللرين ايچي بوشلوغو كيمي.

بارماغلاريمين اؤپوشچوسو پاپريزيم كيمي.

«ریضا کاظیمی یه»

اؤلوم اوزاق دئییل دی.

یاخین دا دئییل دی بلکه.

آنجاق وار ایدی،

تکجه قورخو دالیندا گیزله نن لره وار ایدی.

و ایگیدلیک ساده جه اؤلوم دن

                           قوچاق اوغلان دئییه

                                               واز کئچمک ایمیش.

حیات، نه اؤلوم

           نه ده بونلارین هئچ بیری دئییل.

سئومک

سئومک

و ساده جه سئویب یاشاماق.

لاپ بو یاخینلاردا،

              قونشو قیزینی سئومک

لاپ او اوزاقلاردا،

                   ایت له قول بویون اولماق.

هر حالدا

اؤلوم حیات قونشولوغوندا یاشایان

                                    ایت قیزی ایت دیر.