شعریمین آداملاری

بیری سئویردی،

کلاسیک.

بایاغی سؤزجوک لردن کئچیردی پاپاغی.

اوزون اوزادی قامیشلیغ ایدی ساچلاری

و کولک هاییندا بیتیرمک ایسته‌دی هر شئیین

اوزولدوم

           و یاشادی شعریمده؛ یان طرف بیلمه دن.

 حسن بی اومود اوغلونون خاطیره سینه گولو خالا ایلا دردلشمه

گولو خالا!

داریخمیرسان کی؟

سنه قوچ قوزو بالان قوربان.

تکجه سن آللاه هله لیک آخشاملار

                                     دوستومون یئرین بوش سال

                                                   قوی اوداسیندان باشلایاراق هر یاندا یئری بوش اولسون.

-          بوراسی ایستی جهننم

                       و بیز بوش یئره هّوّی دویوروک دابانیمیزلا.

بونا اینانما

یئری بوش دورسادا

                      دویدوک لری

                                  قامیشلی کولک کیمی سس کویلو  اولور

گولو خالا

سنه جانیم قوربان!

دوستومون یئرین منه بوش گوستر.  

کؤلگه

 

          کیمین سه کؤلگه سی داش دئییل.

                                 پامبیق دا.

 هر کیمین کؤلگه سی

                       ساده جه کؤلگه دیر .

٫٫٫

آلچاق آغاج.

یاشیل نفس.

بیرده آیاغینین سؤزونه باخمایان

                            کؤلگه کیمی سورونجک حیات.

بونلاری داللاماغا نه وارکی.

هر شئی بالتادان کئچیر

لاپ سن اؤزون ده

اوندان^۱ وارین سا

                   هر شئیین کؤلگه سینی داللا

آی بالتالی وارسیز.

 

۱- یئرینده باشقا سوزجوک ایشلتمک اولار 

 

بالتا

 

حمید آصفی

 

ایندی داها هئچ دخلی یوخدور؛

یاغیش یاغمیردا یاغماسین.

اونسوزدا ائویمین ایچینه هوپموش

                          بو خالچا چیچکلری

                                       توز توزاناقدان سولاجاق.

۝

 توزلو بالتان قدر

              رحمه قالیر بو شهر.

اوتوز ایل کؤهنه یه گئدیر ایچیمیز.

بابام دیسکینیر نامازیندا

دوشور دوداغینی اوچوق یئریندن

                - «و بالتالاری الینیزده ساخلایین

                           توکنمه ییب بو ساواش...»*

ایندی داها

              دخلی یوخدور

                       سن بو توزاناقدا آغاج

                               یوخسا آغاج کولگه سی نی بالتالا.

 

 

 

*قرآن کریم دن بیر آیه